క్రేన్ పక్షి

  గాలిలో  తేలుతూ
  ఎప్పుడైనా ఒంటరిగా నర్తించావా

  వాన చినుకులు పడినప్పుడు 
  పాదాలతో మట్టిని తాకుతూ
  లోపలి గానానికి బీజాలు వేస్తూ
  ఆకాశం వైపు చేతులు చాస్తూ
  పాటని ప్రకృతికి వొప్ప చెప్పీ చూసావా

   ఆకుపచ్చని పాట  నునులేత చిగురుతో
   కాంతితో జంట సర్పల్లా పెనవేసుకుంటుంది
   శ్వాస జీవితం నిద్ర ఉలికిపడతాయి

  సన్నిని సవ్వడితో మొదలైన గానం
  గుమ్మడి తీగలా అల్లుకున్న పచ్చనిపూలు
  తాటాకు కప్పుమీద నగ్నంగా నిల్చునట్టుగా
  మట్టిని  నీరుని ఆకాశాన్ని తడుముతుంది
  ఆకాశంలో  గానం నాట్యం కలుస్తున్నప్పుడే
  గాలితో, కొండలతో  ఇసుకతో పరిచయం

  పరిచయం ఒక పిలుపు కోరిక ఒక వాగ్దానం
  నిశ్శబ్ద తాకిడికిలో పాదం వెనక పాదం
  పాటని నింపుకున్న వేణువతుంది....